سندھ نرسز ایگزیمینیشن بورڈ کا کرپشن کے خلاف جہاد کا اعلان

سندھ نرسز ایگزیمینیشن بورڈ میں نئے تعینات ہونے والے ڈپٹی کنٹرولر عطا راجپر صاحب نے بورڈ کے نام پہ ہونے والی کرپشن کے خلاف جہاد کرنے کا اعلان کر دیا۔ ان کا مزید کہنا تھا کہ اگر کوئی بھی بورڈ کے امتحانات میں پاس کروانے کے لئے پیسے مانگے تو اُس شخص کی نشان دہی کی جائے۔ پیسے لے کر پاس کرانے والے مافیا اور دلالوں کے خلاف کاروائی کی جائے گی اور ضرورت کے مطابق پیپر دوبارا بھی چیک کئیے جائیں گے۔ فیسبوک پہ جاری ان کے بیان میں انہوں نے مزید کہا کہ بورڈ کا رزلٹ لیٹ ہونے کی زمیدار بورڈ کی نئی ٹیم نہیں۔ نئی ٹیم کو چارج سنبھالے ابھی صرف دس دن ہی ہوئے ہیں۔ واضح رہے کہ سندھ حکومت کی جانب سے حال ہی میں محتمہ خیرنساء کو کنٹرولر، محترم عطا راجپر کو ڈپٹی کنٹرولر اور محترم نومی وقاص کو اسسٹنٹ کنٹرولر کا چارج دیا گیا ہے۔ یہ عہدے کافی عرصے سے خالی تھے۔ جس کی وجہ سے بورڈ بہت سی مشکلات کا شکار تھا۔ اپنے قیام سے لے کر آج تک سندھ نرسز ایگزیمینیشن بورڈ کی کوئی ویبسائٹ تک نہیں تھی، لیکن موجودہ نئی قیادت نے آتے ہی ویبسائٹ بنوانے کا اعلان کیا اور مورخہ تئیس جون کو بورڈ کی ویبسائٹ کا افتتاح بھی کر دیا گیا ہے۔